No episodio de hoxe queremos levarte a un paraíso para despois convidarte a unha cea prehistórica. Que, hai trato?
Dirás ti que paraísos hai moitos, pero é que o Calafate éche un lugar ben especial. A min namoráronme as súas cores. Ese turquesa alternando cos tonos prata do lago Argentino, un ceo sempre misterioso, unhas flores de tonos intensos – case flúor- e unha natureza que mostra o seu rostro mais impoñente con forma de xeo.
No Calafate atópase o famoso Perito Moreno. Se non o coñecedes, seguro que esta imaxe che axuda a facerte unha idea.
Pero tranquilos, que hoxe non toca falar do Perito porque, nesa mesma viaxe, pasounos algo aínda máis sorprendente. Cóntocho en detalle no podcast, pero o caso é que por culpa diso, rematamos embarcados nunha experiencia “Nativo”, que lle chamaron. Unha das mellores decisións da miña vida.
Para axudarme a contarvos de qué vai teño dous convidados de luxo: Sol Santacroze, que acaba de vivir esa experiencia hai só uns días, e Jorge Barrio, que me acompañou naquela peculiar travesía que nos permitiu gozar dun precioso e ventoso solpor con vistas ao lago Argentino e dunha cea propia do paleolítico (literal).
Agardo que vos guste esta viaxe auditiva ata as covas de Walichu.
Dádelle ao play e xa me contades as vosas primeiras impresións cunha mensaxe no Facebook, en Twitter, Instagram ou mesmo cun email.
Até a próxima.
